DAMAS. Unha desagradable sorpresa

SOLUCIÓN DA PROPOSTA ANTERIOR [30/3/2012]

"A beleza da simplicidade"

O xogo rematou do seguinte xeito:

13.11-14, 18x11; 14.09x16 [Finta], 22x13; 15.11x31, 13x06 [GB]. As negras rendíronse sen esperar resposta.

DAMAS. A beleza da simplicidade

SOLUCIÓN DA PROPOSTA ANTERIOR [18/3/2012]

"Enxeñoso soporte"

1. ... 26-22; 2.17x26, 18-14; 3.14x18 [ou 10x19], 22x06; 4.26-30, 06-02; 5.30x23, 31-28; e a dama cae [GN].

DAMAS. Enxeñoso soporte

XOGAN NEGRAS E GAÑAN

O panorama semella bastante favorable para o segundo xogador xa que a base branca está tremendamente debilitada debido á ausencia de peóns nas casas "2" e "3". Con todo é preciso manobrar con enxeño para poder burlar esa barreira defensiva formada polos tres "infantes" aliñados na terceira fila. Baralla o lector algunha idea que permita ás negras alcanzar ese obxectivo, ou vai esperar á vindeira semana para ver a solución?

* * *

SOLUCIÓN DA PROPOSTA ANTERIOR [2/3/2012]

"Golpe de Marongiu"

1.09-13!, 22x06; [Obrigado pola lei da cantidade] 2.13x29 GB.

DAMAS. Golpe de Marongiu

XOGAN BRANCAS E GAÑAN

Tan só despois destas poucas xogadas  1.10-14, 21-17; 2.05-10, 25-21; 3.01-05, 22-18; 4.14-19, 23x14; 5.10x19, 29-25; 6.06-10, 27-22;  alcanzouse a posición que representamos no diagrama. Corresponde a un xogo disputado por Gavino Marongiu vs. Gianfranco Portoghese no 61º Campionato Italiano absoluto do ano 1997. O lance que acaban de efectuar as negras supón un tremendo descoido que foi inmediatamente castigado polo seu rival. Non dubidamos de que o lector tamén atopará decontado a sinxela manobra que permitiu ás brancas gañar  decisivo material.

* * *

SOLUCIÓN DA PROPOSTA ANTERIOR [24/2/2012]

"Sorprendente manobra"

1.07-11!, 19x10; 2.01-05, 10x01; 3.12-15, 01x28; 4.02x31 GB.

DAMAS. Sorprendente manobra.

BRANCAS XOGAN E GAÑAN

Esta posición pertence a un xogo Víctor Oliveira vs. Joao Oliveira do 17º Campionato de Portugal disputado en Almada no ano 1997. As brancas acaban de facer unha pequena combinación que lles permitiu situar ese formidable ariete na casa "23". Pero despois do cargue sobre o peón "14"  ameazando 20-15 e o pase a dama, moitos pensaron nun exceso de vista de Víctor. Mais neste preciso momento cando todo semellaba tan favorable para o bando negro,  a sorpresa apareceu no taboleiro. Pode vostede imaxinar que é o que aconteceu?

* * *

SOLUCIÓN DA PROPOSTA ANTERIOR     [16/2/2012]

"Un problema, dúas cuestións"

Non vale 1.28-32 por 14-07!; 2.04x11, 21x07 e as negras conseguen o empate.

A vitoria branca chega despois de 1.04-07, 14x32; [Se 1. ... 14x04; 2.18-22, 04-14; 3.28-32, 14-01; 4.25-29, 21-18; 5.32-05, 01x26; 6.29x09 GB] 2.25-29, 21x14; 3.29-14 GB [Bloqueo].

DAMAS. Un problema, dúas cuestións.

XOGAN BRANCAS E GAÑAN

[Henrique Guerra (1993, inédito)]

Nesta posición semella que as brancas van gañar de forma fácil despois de 1.28-32, pois se as negras responden con 1. ... 14-01; seguiría 2.18-22, 21-18; 3.25-29 e tras calquera das dúas movidas de peón cae a dama negra. Mais a realidade é ben distinta. O lector debe indicar primeiramente como se defenderían as negras nese suposto caso, e deseguido buscar a verdadeira liña que lle dá a vitoria ás brancas.

* * *

SOLUCIÓN DA PROPOSTA ANTERIOR [9/2/2012]

"Emendando o Tratado"

1. ... 22-18; 2.04x11, 18-13; 3.09x18, 21x07; EMP. 

DAMAS. Emendando o Tratado.

XOGAN NEGRAS E EMPATAN

Na seguinte variante da  "Partida Heroica": 1.12-16 24-20;   2.07-12 28-24;   3.10-14 ...  O famoso Tratado da Enciclopedia Damista, asevera que se 3. ... 32-28;  con 4.14-19 23x07; 5.16x32 ...  as brancas gañan. Mais isto non é certo, pois o segundo xogador dispón dunha hábil continuación que lle permite atopar un fácil empate. Pode vostede, amigo lector, indicar como deben seguir as negras para equilibrar o jogo?

* * *

SOLUCIÓN DA PROPOSTA ANTERIOR [27-01-2012]. 

"Floreo de trompetas"

1. ... 15-12; 2.08x15, 18-13; 3.09x18, 26-21; 4.17x26, 30x07; 5.03x12, 20x02; GN.