DAMAS. Floreo de trompetas

XOGAN NEGRAS E GAÑAN

No 9º "Torneo Inglés" disputado en Southport no ano 1909 púidose ver este xogo entre Allan Hynd [Manchester] e Helbert Morral [Liverpool]:

1. 10-14 24-20, 2. 12-16 ... [Partida Heroica] 3. .... 28-24, 3. 05-10 20-15, 4. 11x20 24x15, 5. 7-11 23-20, 6. 16x23 27x20, 7. 04-07 32-28, 8. 01-05 28-24, 9. 14-18 22x13, 10. 10x17 31-27, 11. 05-10 27-22, 12. 07-12 21-18, 13. 12x19 22x15, 14. 02-05 ...

Nesta altura e despois desta xogada as negras non desaproveitaron a oportunidade e gañaron con "floreo de trompetas". E vostede, amigo lector, como remataría?

*****

SOLUCIÓN DA PROPOSTA ANTERIOR [22/01/2012]

"Salvando o día"

1. .... 28-24; 2.20-30 ... [Se 2.20-02, 19-15 EMP] 2. ... 24-20!; 3.16x13, 19-14; 4.10x19, 17x01; EMP.

DAMAS. Salvando o día

XOGAN NEGRAS E EMPATAN

Nesta posición as negras están nunha situación moi difícil, pero unha precisa e desconcertante combinación permitiulles salvar o día. Pode o lector indicar como é que conseguiron o empate.

* * *

SOLUCIÓN DA PROPOSTA ANTERIOR [18/1/2012]

"Cóbado no flanco de Río"

1.07-11, 22x13; 2.12-15 e non se pode impedir a ameaza 3.15-19 que obrigaría a capturar a maioría e as brancas gañan con 4.16x32 entrando en dama.

DAMAS. «Cóbado» no flanco de río

XOGAN AS BRANCAS E GAÑAN

Nunha variante da «Partida Heroica» que se forma con 1.10-14, 24-20; 2.12-16, 28-24; 3.08-12, 32-28; 4.14-18, 21x14; 5.11x18, 22x13; 6.09x18, se as negras efectúan o ataque  6. ... 26-22, fórmase a posición que representamos no diagrama. É esta unha liña teórica que debe ser contestada co corte 6. .. 20-15, mais nunca co cargue sobre o peón da casa «dique» como erroneamente se indica no Tratado da famosa revista portuguesa «Enciclopedia Damista» que toma como modelo un xogo do «Torneo Comemorativo da Federación Portuguesa de Damas» do ano 1981, disputado entre o Capitán Antonio Santos Deodato e o mestre e excampión nacional Herminio Medalha da Silva.

Agora que o lector coñece os antecedentes, invitámolo a que intente descubrir como se pode refutar a última xogada realizada polas negras. Como axuda indicaremos que o tema baséase na explotación do «cóbado» formado polos peóns 20, 23 e 28. 

* * *

SOLUCIÓN DA PROPOSTA ANTERIOR [24/12/2011]

«Golpeando no final»

1.06-11, 26x22; [Obrigado pola lei da calidade] 2.25-29, 04x14; 3.29x01 GB.

DAMAS. Golpeando no final

XOGAN BRANCAS E GAÑAN

Nesta posición as negras acaban de mover 22-18 para salvar o peón do ataque da dama inimiga. Este lance permite ás brancas aplicar un elegante recurso que lles vai valer para conseguir unha inesperada vitoria. A solución non é moi dificil, pero por iso non deixa de ser menos brillante. Como seguiría vostede, amigo lector?

* * *

SOLUCIÓN DA PROPOSTA ANTERIOR [15/12/2011]

"Construíndo un túnel"

1.02-05!, 09x02; 2.16-20!, 02x24; 3.23-28 [EMPATE].

DAMAS. Construíndo un túnel

XOGAN BRANCAS E EMPATAN

As brancas están nunha posición moi delicada. A xogada natutal 1.16-20 pode ser ben contestada con 1. ... 31-18; e agora ante a formación de "batería" con 09-05, semella obrigada 2.02-06, pero despois de 2. ... 18-31; 3.20-24, 09-05 as negras gañan. Con todo, existe unha continuación que permite alcanzar o empate. Estará errada esta análise? ou é que existe algún outro método para lograr a salvación?

* * *

SOLUCIÓN DA PROPOSTA ANTERIOR [7/12/2011]

"Gañar un tempo [IV]"

1.11-14!, 22x11; 2.03-07, 21x18; 3.07x30 GB.



DAMAS. Gañar un tempo [IV]

XOGAN BRANCAS E GAÑAN

No noveno xogo dun match disputado por correo no ano 1874 entre o inglés James A. Kear (Senior) e o americano Ronald Edwin Bowen, as brancas fabricaron un tempo e gañaron sencillamente esta posición. Como continuou o pai do famoso tratadista para poder anotarse a vitoria?

* * *

SOLUCIÓN DA PROPOSTA ANTERIOR [22/11/2011]

"Sutileza de Víctor Oliveira"

1. ... 15-06!; 2.02x11, 09-05; 3.14x23, 05-01 [GN].

DAMAS. Golpe a Harpo Marx

Vídeo da película: "Unha tarde no circo" [1939].